Trump “luftë” të pastrehëve/ Firmos urdhrin: Të shkojnë në institucione të shëndetit mendor

Presidenti amerikan Donald Trump nënshkroi një urdhër ekzekutiv që u kërkon qyteteve amerikane të duke u kërkuar qyteteve dhe shteteve të pastrojnë kampet e të pastrehëve dhe t’i zhvendosin njerëzit në qendra trajtimi.

Trump tha se njerëzit që jetojnë në kampe për të pastrehët duhet të drejtohen në institucione për trajtimin e problemeve të shëndetit mendor dhe qendra rehabilitimi per varësinë nga droga. Ai nuk përmendi ndonjë plan për të zgjeruar qendrat e trajtimit ose për të ofruar strehim afatgjatë.

Urdhri i drejtohet Prokurores së Përgjithshme Pam Bondi së cilës i kërkohet të përmbysë precedentët ligjorë shtetërorë dhe federalë dhe dekretet që kufizojnë përpjekjet lokale për të hequr kampet e të pastrehëve, edhe pse mbetet e paqartë se si Bondi mund t’i përmbysë në mënyrë të njëanshme vendime të tilla.

Urdhri vjen pas një vendimi të Gjykatës së Lartë në vitin 2024 që u lejon qyteteve të ndalojnë kampet për të pastrehët.

Për avokatët e të pastrehëve, ky veprim vetëm sa do e përkeqësonte problemin. një veprim që avokatët e të pastrehëve thanë se do ta përkeqësonte problemin.

Koalicioni Kombëtar për të Pastrehët e dënoi urdhrin, duke thënë se ai do të minonte mbrojtjen ligjore për individët e pastrehë dhe të sëmurë mendorë.

Grupi tha se administrata Trump ka një rekord shqetësues të shpërfilljes së të drejtave civile dhe procesit të rregullt ligjor dhe paralajmëroi se kjo do ta përkeqësonte krizën e të pastrehëve.

Ndërkohë Qendra Kombëtare Ligjore për Pastrehësinë tha se urdhri i kombinuar me shkurtimet e buxhetit për strehimin dhe kujdesin shëndetësor, do të rrisë rastet.

Më shumë se 771 mijë njerëz ishin të pastrehë në SHBA në një natë të vetme në vitin 2024, një rritje prej 18% nga viti i kaluar.

Nga këta, rreth 36% jetonin në rrugë, në automjete ose në kampe, sipas numërimit të Departamentit të Strehimit dhe Zhvillimit Urban.

Shumë ekspertë e shohin origjinën e krizës së pastrehësisë në SHBA në mbylljen e spitaleve psikiatrike në vitet 1960 dhe 1970. Mbështetësit thonë se ky ndryshim nuk u financua kurrë plotësisht ose nuk u zbatua në mënyrë efektive, duke lënë shumë njerëz me sëmundje të rënda mendore pa kujdes ose strehim./abcnews.al