31-vjeçari nga Maqedonia e Veriut tejkaloi qëndrimin në Shengen, autoritetet gjermane urdhërojnë largimin e tij

olicia Federale Gjermane ka zbuluar dje (5 gusht) dy persona që kanë hyrë në mënyrë të paligjshme në Gjermani përmes portit të Rostokut, pasi kishin mbërritur me traget nga Suedia dhe Danimarka.

Bëhet fjalë për një shtetas 31-vjeçar të Maqedonisë së Veriut dhe një shtetas 25-vjeçar të Sirisë, njofton 4news.mk.

Detajet e rasteve:

Shtetasi i Maqedonisë së Veriut (31 vjeç): Gjatë kontrollit u konstatua se ai kishte tejkaluar qëndrimin e lejuar në Zonën Shengen me 16 ditë, duke mos i plotësuar kushtet për hyrje në Gjermani. Sipas Rregullores së BE-së 2018/1806, qytetarët e Maqedonisë së Veriut kanë të drejtë të qëndrojnë në hapësirën Shengen deri në 90 ditë brenda çdo periudhe prej 180 ditësh.

Shtetasi sirian (25 vjeç): Fillimisht ishte nisur drejt Danimarkës, por autoritetet daneze i kishin refuzuar hyrjen dhe e kishin kthyer në Gjermani. Policia gjermane konstatoi se ai posedonte një leje qëndrimi e cila në atë moment vlente vetëm për Suedinë.

Masat e ndërmarra

Policia Federale në Rostok ka nisur procedurë penale ndaj të dy personave për dyshime për hyrje dhe qëndrim të paligjshëm në Gjermani.

Shtetasit të Maqedonisë së Veriut i është caktuar një afat brenda të cilit duhet të largohet vullnetarisht nga Gjermania.

Për shtetasin sirian, autoritetet gjermane kanë nisur dhe realizuar menjëherë procedurën e riatdhesimit (readmisionit) drejt Suedisë.

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.