PDSH zgjodhi kryetarin e degës në Gostivar

Në Gostivar u mbajt Kuvendi Zgjedhor i degës së PDSH-së, në një atmosferë angazhimi dhe mobilizimi politik. Me vota unanime të kuvendarëve, kryetar i degës së PDSH-së në Gostivar u zgjodh Mitalip Abduli, ndërsa njëkohësisht u zgjodh edhe kryesia e degës së Gostivarit.

Ai falënderoi anëtarësinë për besimin e dhënë, duke theksuar se do të punojë për unifikimin dhe fuqizimin e degës.

Punimet e kuvendit i përshëndeti edhe kryetari i PDSH-së, Menduh Thaçi, i cili në fjalën e tij theksoi rëndësinë e organizimit të brendshëm të partisë, unitetit dhe angazhimit të strukturave në funksion të realizimit të objektivave politike. Ai u ndal edhe te sfidat aktuale politike, duke bërë thirrje për mobilizim më të madh të anëtarësisë.

Në kuadër të përgatitjeve për Kongresin e IX të PDSH-së, kuvendi: zgjodhi delegatët, bëri propozimin e listës së kandidatëve për Kuvendin Qendror nga dega e Gostivarit.

------------------------------ Burimi i lajmit: ina-online.net Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today. Portali nuk mban përgjegjësi për përmbajtjen origjinale të publikuar nga burimi. Për ankesa ose kërkesa për heqje materiali, na kontaktoni në Facebook: KosovaToday. Faleminderit për mirëkuptimin.