Zyrtare: Cristiano Ronaldo rinovon me Al Nassr deri në vitin 2027

Cristiano Ronaldo do të vazhdojë aventurën e tij në Arabinë Saudite.

Superylli portugez ka zyrtarizuar rinovimin e kontratës me klubin Al Nassr deri në vitin 2027, duke i dhënë fund spekulimeve për një largim të mundshëm.

Përmes një postimi emocional në rrjetet sociale, Ronaldo shkroi:

“Një kapitull i ri fillon. I njëjti pasion, e njëjta ëndërr. Le të bëjmë histori së bashku.”

Kjo marrëveshje e re vjen pas një sezoni të suksesshëm në të cilin ai ishte ndër lojtarët më të dalluar në kampionatin saudit, duke kontribuar me gola dhe asistime për ekipin e tij.

Ronaldo iu bashkua Al Nassr në fund të vitit 2022 dhe që nga ajo kohë ka sjellë një ndikim të jashtëzakonshëm në zhvillimin dhe promovimin e futbollit në Lindjen e Mesme.

Me rinovimin e kontratës, ai pritet të jetë pjesë e planeve afatgjata të klubit për suksese kombëtare dhe ndërkombëtare. /ORAinfo/