Al Nassr rikthehet për Bruno Fernandesin

Sipas asaj që raporton media portugeze A Bola, Al Nassr është duke u përpjekur të nënshkruajë me kapitenin e Manchester United, Bruno Fernandes, gjatë afatit kalimtar të verës.

Trajneri i ri i skuadrës saudite, Jorge Jesus, dëshiron të ribashkojë mesfushorin me bashkëkombasit e tij Cristiano Ronaldo dhe Joao Felix, të cilët tashmë luajnë në Arabinë Saudite.

Megjithëse Fernandes së fundmi ka refuzuar një ofertë të majme nga Al Hilal, burime në Portugali besojnë se ndikimi personal i Jesus, si dhe prania e Ronaldos, mund të luajnë një rol kyç në bindjen e kapitenit të United për t’u transferuar.

Bruno Fernandes confirms that he rejected Al-Hilal.

Thuhet se kontaktet e para mes Fernandes dhe Al Nassr tashmë kanë ndodhur, duke shënuar fillimin e një negociate të mundshme për një marrëveshje të madhe.

Al Nassr nuk pritet të ketë pengesa financiare në këtë operacion, pasi klubi ka dëshmuar më parë gatishmërinë për të bërë investime të mëdha.

Megjithatë, trajneri i ri i Manchester United, Ruben Amorim, sipas raportimeve, është i vendosur që ta mbajë liderin e skuadrës në “Old Trafford”.