ALARMI TE MILANI! A po dështon që në fillim projekti i ri i Cardinale?

Vendimi i Gerry Cardinale për të shkarkuar, pas ndeshjes së fundit të sezonit 2025/26, drejtorin ekzekutiv Giorgio Furlani, trajnerin Massimiliano Allegri, drejtorin sportiv Igli Tare dhe shefin e skautimit Geoffrey Moncada, sinjalizoi një ndryshim të plotë të kursit te klubi kuqezi.
Në vend të Allegrit, në pankinë mbërriti Ruben Amorim, një zgjedhje që befasoi jo pak, përcjell ORAinfo.

Zakonisht, në raste të tilla, klubi emëron fillimisht një drejtor të ri sportiv, i cili përcakton vizionin e përgjithshëm dhe më pas zgjedh stafin dhe trajnerin që përputhen me këtë projekt.

Por këtë verë, Milan zgjodhi një rrugë ndryshe.
Amorim u emërua me pritshmërinë se Markus Krösche do t’i bashkohej klubit si drejtor i ri i futbollit, duke lënë Eintracht Frankfurtin.

Megjithatë, klubi gjerman nuk pranoi ta lironte drejtuesin e tij, situatë që shkaktoi frustrim te Amorim dhe madje ngriti dyshime për vazhdimësinë e tij në pankinën e Milanit.

Në vend që të ndiqte një tjetër kandidat për këtë post, Cardinale vendosi t’ua besojë drejtimin e sektorit sportiv disa emërimeve të brendshme, me Hendrik Almstadt dhe Bobby Gardiner ndër emrat kryesorë.

Ndërkohë, Amorim iu dhanë kompetenca më të mëdha në mënyrë që të kishte më shumë ndikim në vendimmarrjen sportive.

Pas përfundimit të merkatos së parë nën këtë strukturë, megjithatë, duket se ende mungon një hallkë e rëndësishme në hierarkinë sportive të klubit.

Në këtë kontekst, emri i Markus Krösche vazhdon të qarkullojë rreth Milanit. Drejtuesi gjerman mbetet një objektiv i mundshëm dhe nuk përjashtohet mundësia që ai të mbërrijë në San Siro në një moment të ardhshëm.

Pikërisht kjo është një nga dilemat kryesore për drejtuesit kuqezi: a mund të funksionojë në planin afatgjatë një strukturë ku trajneri ka kompetenca të zgjeruara, ndërsa mungon një drejtor i qartë sportiv që të lidhë të gjitha hallkat e projektit?

Sezoni i ri do të jetë testi i parë real për këtë model të ri drejtimi te Milan. /ORAinfo/