Ambasada Zvicerane në Teheran mbyllet për shkak të tensioneve

Ambasada e Zvicrës në Teheran është mbyllur deri në njoftim të mëtejshëm për shkak të përkeqësimit të situatës së sigurisë pas konfliktit në rritje midis Izraelit dhe Iranit. Njoftimi u bë publik të dielën në mbrëmje përmes platformës X nga vetë ambasada, transmeton albinfo.ch.

Masa u mor si një masë paraprake për shkak të rreziqeve të sigurisë që kanë ndikuar rëndë kryeqytetin iranian. Raportimet tregojnë se disa institucione kyçe dhe agjenci qeveritare në Teheran u shënjestruan gjatë sulmeve ajrore izraelite të dielën, përfshirë Ministrinë e Naftës dhe selinë e policisë.

Dëshmitarët okularë thanë se trafiku në rrugët e qytetit ishte i rënduar dhe kishte një përpjekje të madhe nga banorët për të larguar nga zonat e konfliktit. Agjencia iraniane e lajmeve Tasnim transmetoi pamje nga rrënojat e shtëpive dhe operacione shpëtimi, duke raportuar gjithashtu dëmtime dhe lëndime në një konvikt studentor pas një sulmi ndaj zonave të banimit, transmeton albinfo.ch.

The post Ambasada Zvicerane në Teheran mbyllet për shkak të tensioneve appeared first on Albinfo.