Analiza/ Qeveria e Francës në prag ‘të kolapsit’, mund të përballet me krizë të madhe borxhi. Sindikatat, protestë më 10 shtator

Shumë nga ekonomitë më të mëdha të Evropës kanë një problem me borxhin, por pasojat për Mbretërinë e Bashkuar dhe Francën ndodhet përballë një urgjence më të madhe.

‘Është e qartë për të dy vendet se dështimet për të kontrolluar financat e tyre publike po ndëshkohen nga tregjet në një kohë kur rritja ekonomike është e vështirë të arrihet në një botë që përballet me luftë dhe tarifa’, shkruan skynews, në analizën e publikuar për situatën qeverisëse qeverisëse në Francë dhe krizën.

Rendimentet, të cilat pasqyrojnë nivelin e rrezikut që kërkojnë investitorët për të mbajtur borxhin e një vendi, janë në rritje në shumicën e ekonomive perëndimore, por Mbretëria e Bashkuar dhe Franca po shohin rritjet më të mëdha dhe trajektoret në rritje po ndryshojnë nga ato të vendeve të tjera.

Pasojat janë të qarta; rritja e kostove të shërbimit të obligacioneve për qeveritë vetëm sa rezulton në më pak para për t’u shpenzuar diku tjetër dhe pengon përpjekjet për të krijuar balanca.

Por cili është problemi?

Franca është një vend me një problem të gjatë me shpenzimet e tepërta dhe me asnjë politikë për ta frenuar atë.

Ndërsa kostoja e shërbimit të borxheve të saj nuk është aq e keqe sa rendimentet që tregu i obligacioneve po i imponon Mbretërisë së Bashkuar, një krizë e ripërtërirë politike shihet si me pasoja më të gjera.

Kjo rrezikon jo vetëm një rikthim të trazirave sociale ( kujtojmë protestat e ‘jelekëve të verdhë’ të vitit 2018 dhe dhunën pasuese për reformat dhe çmimet e pensioneve?), por edhe trazira ekonomike.

Vota e besimit po afrohet

Kryeministri aktual francez, i cili po planifikon të imponojë një shkurtim buxhetor prej 44 miliardë eurosh që përfshin një ngrirje të gjerë të shpenzimeve dhe heqjen e dy festave zyrtare, duket se po shkon drejt krizës së ‘sigurt’.

Grupet e opozitës në parlament po refuzojnë të mbështesin Francois Bayrou në një votëbesim që ai kërkoi për qeverinë e tij të pakicës këtë të hënë.

Nëse detyrohet të largohet, Presidenti Emmanuel Macron ka të ngjarë të përgjigjet duke u përpjekur ta zëvendësojë atë, pasi ka refuzuar të thërrasë zgjedhje të reja parlamentare përpara mandatit të tij të dytë që përfundon në vitin 2027.

Nga ana tjetër sipas sondazheve duket se qytetarët dëshirojnë zgjedhje të parakohshme dhe tregojnë një ringjallje të zemërimit për shkak të ngërçit, ‘një përsëritje e debatit’ që detyroi Michel Barnier të largohej nga posti i kryeministrit francez në fund të vitit të kaluar.

Partitë e opozitës bien dakord që borxhi total dhe deficiti buxhetor i Francës janë shumë të larta, por nuk bien dakord se si duhet të zgjidhet kjo situatë dhe se kush duhet ta paguajë faturën.

Analistët në Nomura thanë se: “Për shkak të rënies së pritur të qeverisë së Bayrou dhe gjasave që parlamenti të mos miratojë një buxhet të vitit 2026 këtë vit, buxheti i vitit 2025 ka të ngjarë të ngrijë në terma nominalë, që do të thotë një deficit pak më të lartë në vitin 2026 si përqindje e PBB-së sesa parashikohet nga Komisioni Evropian.”

Problemi për Francën në uljen e deficitit të saj është se askush nuk është i gatshëm të pranojë kushte më të këqija.

Ndërsa sindikatat dhe grupet protestuese planifikojnë një fushatë veprimi kombëtar nga 10 shtatori. Sfidat sociale, politike dhe ekonomike në Francë duken të pakapërcyeshme në afat të shkurtër.

/abcnews.al/