Arrestohen dy persona, nga pakujdesia ndezën zjarre ku u dogjën 7 hektarë grurë

Dy persona janë arrestuar pasi në dy raste të ndara, nga pakujdesia gjatë djegies së mbeturinave kanë shkaktuar shpërndarje të pakontrolluar të zjarrit.

Sipas policisë, njëri rast ka ndodhur në rrugën “Ylvi Demiri” në Viti, kurse rasti i dytë ka ndodhur në fshatin Sllatinë e Ulët, ku si pasojë janë djegur rreth shtatë hektarë grurë.

“Me vendim të Prokurorit të Shtetit, ndaj të dy të dyshuarve do të ngritën kallëzime penale për veprën penale ‘Shkaktim i rrezikut të përgjithshëm’”, thuhet në njoftim.

Policia ka apeluar tek të gjithë qytetarët që të jenë vigjilent dhe të kujdesshëm, pasi ndezja e zjarrit mund të shkakojë dëme të mëdha.