Berisha reagon pas vendimit të gjykatës për të lënë në qeli 5 protestues: Qëndruan si luanë ndaj torturave
Kreu i demokratëve, Sali Berisha, ka reaguar pas vendimit të gjykatës për të lënë në burg 5 protestues, që u arrestuan më 17 prill pas trazirave.
“Qëndruan si luanë ndaj torturave, mbahen sot në burg pa asnjë provë dhe fakt. Ata janë ndërgjegjja jonë, frymëzimi ynë, lirimi i tyre urgjent nga burgu është beteja jonë. Një përshëndetje e përzemërt të atyre që u torturuan nëpër komisariate nga banditë me uniformë”, tha Berisha.
Sot u mbajt në Gjykatën e Tiranës seanca për masën ndaj 11 protestuesve të arrestuar në protestën e PD të së premtes. Kjo është hera e parë që protestuesit lihen në arrest me burg, 5 prej tyre, ndërsa 6 të tjerët “detyrim paraqitjeje”.
Në burg u lanë: Klement Çuçka, Bujar Tusha, Henri Shapllo, Mirvel Tocilla dhe Semi Bici.
Gazetarja e Top Channel, Anila Hoxha, bën me dije se avokatët e tyre kërkojnë që masat të mos i shqyrtojë gjyqtari aktual, Enkel Peza.
Kjo pasi ata pretendojnë se ai dhe familjarët e tij kanë mbajtur funksione në strukturat lokale të PS në Kavajë, por kërkesa e tyre u rrëzua.
Arrest me burg:
1. Kelmend Çuçka
2. Bujar Tusha
3. Henri Shapllo
4. Mirvet Toçilla
5. Sem Bici
Detyrim paraqitje:
1. Igball Domi
2. Gentian Tuga
3. Ernest Kapo
4. Edison Shyti
5. Bardhyl Ndou
6. Sokol Bajraktari
Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today.Portali nuk mban përgjegjësi për përmbajtjen origjinale të publikuar nga burimi. Nëse keni ankesa apo kërkesa për heqje materiali, ju lutem na kontaktoni në facebook/KosovaToday Faleminderit për mirëkuptimin.
