Blero ndez kureshtjen me postimin e fundit në Instagram, shfaqet në një mbrëmje romantike

Këngëtari i njohur, Blero Muharremi, ka tërhequr sërish vëmendjen e ndjekësve me një postim intrigues në rrjetet sociale.

Ai ka publikuar një fotografi në Instagram, ku shfaqet në një mbrëmje romantike me partneren e tij të re.

Megjithatë, në mënyrë të qëllimshme, Blero ka zgjedhur të mos zbulojë identitetin e saj, duke e mbajtur fytyrën e partneres jashtë kornizës së fotografisë.

Kjo ka shtuar edhe më shumë misterin rreth romancës së tij, për të cilën ai kishte konfirmuar disa muaj më parë, por pa dhënë detaje të mëtejshme.

Ky postim ka nxitur menjëherë reagime nga fansat, të cilët kanë filluar të spekulojnë mbi identitetin e të dashurës së tij të re.

Deri tani, Blero ka preferuar ta mbajë jetën e tij sentimentale larg vëmendjes publike, duke e bërë këtë histori dashurie edhe më intriguese për ndjekësit e tij. /Telegrafi