“Bomba” e merkatos: Tare nuk dorëzohet për Ardon Jasharin

Duket se Igli Tare nuk do të heqë dorë lehtë nga Ardon Jashari. Kjo pasi raportimet e fundit po flasin se AC Milan do t’i rinis diskutimet me Club Brugge.

Javëve të fundit, Milani ka refuzuar të ndryshojë ofertën në drejtim të Brugges. Megjithatë, kjo situatë duket se do të ndryshojë me raundin e ri të bisedimeve që pritet të nis për të ardhmen e mesfushorit.

Megjithatë, sipas Matteo Morettos, “Rossonerët” janë gati të bëjnë “një përpjekje të re” për mesfushorin, duke thënë se ekipi është i gatshëm edhe të përmirësojë ofertën, duke e rritur atë nga oferta e fundit, transmeton Klankosova.tv.

Skuadra belge këmbëngul se Jashari, me prejardhje nga Kosova, nuk do të largohet nga klubi nëse nuk përmbushet vlerësimi i tyre prej 40 milionë eurosh.

Jashari thuhet se ka refuzuar ofertat nga West Ham United dhe Wolverhampton Wanderers në favor të një transferimi në San Siro.

Një marrëveshje verbale për një kontratë pesëvjeçare me vlerë rreth 2.4 milionë euro në sezon është tashmë në fuqi.

Milani ka nënshkruar me Luka Modriq dhe Samuele Ricci këtë verë, por dëshiron më shumë përforcime në mesfushë.

Jashari shihet si një investim afatgjatë pas një sezoni të shkëlqyer sezonin e kaluar.