City synon transferimin e mbrojtësit që shkëlqeu në Kampionatin Botëror
Manchester City ka intensifikuar negociatat me skuadrën e Leipzigut për mbrojtësin kroat, Joshko Gvardiol, ka njoftuar “Daily Mail” të premten. Gvardiol ka një klauzolë lirimi mbi 100 milionë euro, por mësohet se City tashmë i ka bërë ofertë zyrtare Leipzigut për transferimin e tij. Mësohet se kampioni i Anglisë ka ofruar 100 milionë euro për […]
![City synon transferimin e mbrojtësit që shkëlqeu në Kampionatin Botëror](https://orainfo.net/wp-content/uploads/2023/06/city.png)
Manchester City ka intensifikuar negociatat me skuadrën e Leipzigut për mbrojtësin kroat, Joshko Gvardiol, ka njoftuar “Daily Mail” të premten.
Gvardiol ka një klauzolë lirimi mbi 100 milionë euro, por mësohet se City tashmë i ka bërë ofertë zyrtare Leipzigut për transferimin e tij.
Mësohet se kampioni i Anglisë ka ofruar 100 milionë euro për ta bindur Leipzigun në lirimin e tij këtë verë.
Gvardiol është njëri prej mbrojtësve më të vlerësuar në Evropë dhe te City po shihet si përforcim i rëndësishëm për edicionin e ardhshëm.
21-vjeçari po monitorohet edhe nga skuadrat e tjera të mëdha të Evropës, por po preferon kalimin te City.
Ai ka kontratë me Leipzigun deri në vitin 2027, ndërsa edicionin e fundit kontribuoi edhe me tre gola në 41 paraqitje.