Diamant Hysenaj ka shpallur kandidaturën për Kongresin Amerikan

Quhet Diamant, është një emër i ri në skenën politike amerikane, por me rrënjë të thella shqiptare. Zyrtarisht i ka hyrë garës për një vend në Kongresin Amerikan. Me origjinë nga Kosova dhe me një histori emigrimi që daton nga viti 1991, Hysenaj sot përfaqëson shembullin e suksesit të ndërtuar nga zeroja dhe tani synon të jetë zëri i komuniteteve që, sipas tij, janë lënë në harresë, shkruan albinfo.ch.

I vendosur në Bronks, aty ku dikur nisi jetën si refugjat, 42-vjeçari ka ngritur një kompani ndërtimi që ka ndikuar drejtpërdrejt në jetën e qindra familjeve. Si një lider komuniteti dhe sipërmarrës i suksesshëm, ai ka vendosur të sfidojë një nga figurat më të njohura të politikës progresive në SHBA: Alexandria Ocasio-Cortez (AOC).

Në garën për distriktin e 14-të të Kongresit, Hysenaj kandidon si republikan, duke vënë theksin te çështjet lokale si infrastruktura, mbështetja për bizneset e vogla, siguria publike dhe politika më të balancuara për emigracionin. Ai kritikon kundërshtaren e tij për, siç thotë, “fokusin e tepërt në ideologji dhe axhenda kombëtare, duke lënë pas dore nevojat reale të komunitetit”.

Për Hysenajn, kjo nuk është vetëm një garë politike – është një kapitull i ri për përfaqësimin e një zëri të ri: një zë që buron nga përvoja, përkushtimi dhe rrënjët shqiptare në zemër të Amerikës. /Albinfo.ch

The post Diamant Hysenaj ka shpallur kandidaturën për Kongresin Amerikan appeared first on Albinfo.