E ngacmoi një femër në rrjetet sociale, arrestohet i dyshuari në Pejë

Një person është arrestuar në Pejë pasi i njëjti ka ngacmuar një femër në rrjetet sociale.

I dyshuari i ka dërguar mesazhe dhe komente me përmbajtje seksuale, njofton Policia e Kosovës.

“Me 07.03.2025 viktima femër kosovare, ka raportuar se i dyshuari mashkull kosovar, në vazhdimësi e ka ngacmuar në rrjetet sociale duke i dërguar mesazhe dhe komente me përmbajtje seksuale.  I dyshuari është arrestuar dhe pas intervistimit me venim të prokurorit është dërguar në mbajtje”, shkruhet në raportin 24 orësh të Policisë.