Elshani: Policia është në kërkim të personave që kanë ngjitur posterat, hetimet kanë filluar
Zëdhënësi i Policisë së Kosovës për rajonin e veriut, Veton Elshani, ka thënë se Policia është në kërkim të personave që kanë ngjitur postera me imazhin e presidentit serb Aleksandar Vuçiq me mesazhin “Komandant Suprem, ju presim” në katër komuna në veriun e Kosovës. Ai ka thënë se në Prokurori është ngritur një rast për […]
![Elshani: Policia është në kërkim të personave që kanë ngjitur posterat, hetimet kanë filluar](https://orainfo.net/wp-content/uploads/2024/06/657855-elshani-policia-eshte-ne-kerkim-te-personave-qe-kane-ngjitur-posterat-hetimet-kane-filluar.png)
Zëdhënësi i Policisë së Kosovës për rajonin e veriut, Veton Elshani, ka thënë se Policia është në kërkim të personave që kanë ngjitur postera me imazhin e presidentit serb Aleksandar Vuçiq me mesazhin “Komandant Suprem, ju presim” në katër komuna në veriun e Kosovës.
Ai ka thënë se në Prokurori është ngritur një rast për shkak të “përhapjes së urrejtjes”.
“Në lokacione të caktuara të katër komunave në veri të Kosovës janë shfaqur postera me fotografinë e presidentit të Serbisë. Pas konsultimit me prokurorin e shtetit është hapur rast për përhapje të urrejtjes. Nuk kemi të dyshuar, policia po punon për hetimin e rastit”, tha Elshani për mediat.
Në të katër komunat e veriut – Leposaviq, Severna Mitrovicë, Zubin Potok dhe Zveçan, janë vendosur postera në ndërtesa, shtëpi, lokale e hapësira publike.
Në postera është një fotografi e presidentit Vuçiq pranë një makinerie të Ushtrisë Serbe, e ndjekur nga mesazhi: “Komandant Suprem, ne po ju presim”.