Gruevski me dy shtetësi të tjera, ja kush thotë?
Gruevski me dy shtetësi të tjera, ja kush thotë?
Nga LSDM thonë se informacionet e fundit që kanë marrë tregojnë se Nikola Gruevski tashmë posedon pasaporta hungareze dhe serbe.
Ata shtojnë se, nëse kjo është e vërtetë, pas këtij rasti qëndrojnë aleatët dhe mbështetësit e tij politikë – Viktor Orbán dhe Aleksandar Vuçiq, të cilët i quajnë edhe mentorë politikë të Hristijan Mickoski.
Sipas LSDM-së, mosveprimi i qeverisë së udhëhequr nga Mickoski dhe refuzimi i vazhdueshëm për të dërguar një kërkesë të re për ekstradim, përbën lënie të qëllimshme të hapësirës për mbrojtjen e Gruevskit.
“Ndërsa shtete të tjera, si Polonia, reagojnë në kohë, Mickoski praktikisht i mundëson Gruevskit kohë shtesë. VMRO-DPMNE dhe Mickoski nuk ndërmarrin asgjë – nuk kanë qëllim ta kthejnë Gruevskin në Maqedoni dhe as ta përballin me drejtësinë”, thuhet nga LSDM.
Sipas tyre, ky është një shembull klasik i mbrojtjes politike të Nikola Gruevskit nga ana e Hristijan Mickoskit.(INA)
Burimi i lajmit:ina-online.net
Shënim: Ky material është marrë nga burime publike në internet dhe është përpunuar për qëllime informimi nga Portali Kosova.Today.Portali nuk mban përgjegjësi për përmbajtjen origjinale të publikuar nga burimi. Nëse keni ankesa apo kërkesa për heqje materiali, ju lutem na kontaktoni në facebook/KosovaToday Faleminderit për mirëkuptimin.
