Haziri flet se a janë afër marrëveshjes me VV-në

Deputeti i zgjedhur i LDK-së, Lutfi Haziri, ka folur për media para nisjes së seancës konstituive të Kuvendit të Kosovës.

Ai u shpreh se pret që sot të konstituohet Kuvendi, ndërsa bëri të ditur se LDK-ja është duke zhvilluar bisedime me Lëvizjen Vetëvendosje për arritjen e një marrëveshjeje politike.

“Mësimi më i madh që duhet ta nxjerrim të gjithë është që 9 shkurti dhe 28 dhjetorit të mos përsëritet, në kuptimin e mosarritjes së bashkëpunimit, mosarritjes së marrëveshjeve, moszbatimit të vullnetit qytetar për zgjedhjet. Tani jemi në bashkëpunim me partinë e parë, jemi duke biseduar për të ndërtuar një marrëveshje funksionale në interes të agjendës së Republikës, ende jemi në nivelin e diskutimeve lidhur me parimet e një funksionit të një bashkëpunimi, i cili do të jetë i qëndrueshëm e do t’i japë vendit stabilitet. Sot do të konstituohet Kuvendi sipas rezultatit zgjedhor. Për këtë marrëveshje nuk ka”, tha ai.

Burimi i lajmit: ina-online.net
Shënim: Ky material është përpunuar për qëllime informimi nga Portali Kosova.Today.