Vdes këngëtari i njohur kosovar, autori i hitit “Vetëm 5 minuta”

Ka ndërruar jetë këngëtari dhe producenti i njohur kosovar, Eroll Jakupi, i cili ishte autor i shumë hiteve të muzikës shqiptare.

Lajmi për vdekjen e tij është konfirmuar nga miqtë e tij, raporton IndeksOnline.

“Maestro ishte në tokë, e maestro mbetesh edhe në qiell! U takofshim në xhenet”, ka shkruar në një postim prekës miku i tij, dirigjenti Emrush Thaçi.

Eroll Jakupi ishte kompozitor i disa këngëve të njohura, ndër to “Vetëm pesë minuta”, “Nuk është ashtu” dhe “Qind për qind”.

Ai ishte gjithashtu pjesë e grupit muzikor “Hareja” nga Shkupi.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.