Këshilli i Komunës së Tetovës sërish pezullon planin për ndërtimin e banesave në “Jellak”!

Këshilli i Komunës së Tetovës ka votuar për herë të katërt pezullimin e Planit Detaj Urbanistik për Blok 57A.

Ky PDU ishte miratuar gjatë kohës së ish-Kryetares së Komunës së Tetovës, kurse ka të bëjë për vendin e Kombinatit “Jellak” ku parashihet të ndërtohen rreth 20 ndërtesa banimi dhe qendra tregtare.

Pezullimie të ngjashme për kët bllok ishin bërë edhe në dhjetor 2021, 31 Mars 2023 dhe 13 tetor 2023.

Sipas Kryesuesit të Këshillit, Besar Durmishi, Komuna e Tetovës, ende është duke përgatitur plan të ri urbanistik për këtë lokalitet.

“Për planin e ri ka patur debat publik në Këshill. Është dorëzuar PDU-ja e re në Ministrinë për Transport, presim vendimin dhe miratimin. Më pas plani I ri do të përpunohet në Sektorin për urbanizëm dhe të miratohet vendimi në Këshill” – ka thënë Durmishi.

PDU-ja e re ishte prezantuar në tetor 2023, kurse Durmishi thotë se në vend të 34.494 metrave katrorë sipërfaqe banesore, do të ketë 28.500 m2, si dhe se me planin e ri do të ketë 3.591 m2 hapësirë për gjelbërime dhe rekreacion./tvklan.mk/

The post Këshilli i Komunës së Tetovës sërish pezullon planin për ndërtimin e banesave në “Jellak”! appeared first on Flaka, në çdo lajm... .