Kurti për kërcënimin me bombë ndaj Kuvendit: Sulm hibrid nga Serbia

Kryeministri në detyrë i Kosovës, Albin Kurti, e ka quajtur sulm hibrid nga Serbia kërcënimin me bombë ndaj Kuvendit të Kosovës.

Përmes një postimi në rrjetin social “Facebook”, ai ka thënë se konfirmimi që kërcënimi me bombë e ka origjinën në Serbi, dëshmon edhe njëherë luftën aktive hibride të Serbisë ndaj Kosovës.

“Përgëzoj institucionet shtetërore për reagimin e shpejtë dhe profesional. Konfirmimi se ky kërcënim e ka origjinën në Serbi dëshmon edhe një herë luftën aktive hibride të Serbisë ndaj vendit tonë”, ka shkruar ai, transmeton albinfo.ch.

The post Kurti për kërcënimin me bombë ndaj Kuvendit: Sulm hibrid nga Serbia appeared first on Albinfo.