Kurti thotë se LDK-ja e AAK-ja nuk e duan fort largimin e tij: Vetëm një gjë e dëshirojnë
Kryeministri Albin Kurti tha se Lidhja Demokratike e Kosovës dhe Aleanca për Ardhmërinë e Kosovës dëshirojnë ta kritikojnë e sulmojnë atë, më shumë sesa ta largojnë nga drejtimi i shtetit. Kurti tha mbrëmë nga Brukseli se është i gatshëm “edhe për qeverisje demokratike, edhe për zgjedhje të reja”. “Unë u përpoqa të mundësoj zgjedhje të […]
![Kurti thotë se LDK-ja e AAK-ja nuk e duan fort largimin e tij: Vetëm një gjë e dëshirojnë](https://orainfo.net/wp-content/uploads/2024/06/657104-kurti-thote-se-ldk-ja-e-aak-ja-nuk-e-duan-fort-largimin-e-tij-vetem-nje-gje-e-deshirojne.png)
Kryeministri Albin Kurti tha se Lidhja Demokratike e Kosovës dhe Aleanca për Ardhmërinë e Kosovës dëshirojnë ta kritikojnë e sulmojnë atë, më shumë sesa ta largojnë nga drejtimi i shtetit.
Kurti tha mbrëmë nga Brukseli se është i gatshëm “edhe për qeverisje demokratike, edhe për zgjedhje të reja”.
“Unë u përpoqa të mundësoj zgjedhje të reja demokratike tash që jam në vitin e fundit të mandatit tim dhe kur zgjedhjet e ardhshme nuk janë më çështje vitesh por janë çështje muajsh. Thamë ta diskutojmë bashkërisht shpërndarjen e Kuvendit në një muaj dhe stinë të përshtatshme, por duket që pjesa më e madhe e opozitën në Kosovë vetëm një gjë e dëshirojnë më shumë sesa largimin tim, e kjo është kritikën e sulmin ndaj meje, që nënkupton se duhet të vazhdoj të mbetem kryeministër deri kur, më së largu, bëhen katër vite e pastaj nuk do të mund t’i shtyjnë më”, tha ai para gazetarëve kur u pyet për këtë çështje.
Kurti duket se nuk është më i interesuar të diskutojë me partitë opozitare “se cila është stina më e përshtatshme për zgjedhjet e radhës”, ashtu siç pati thënë pas një darke me kryetarin e Partisë Demokratike të Kosovës, Memli Krasniqi më 13 maj.
Në një mbledhje të fundi të Lëvizjes Vetëvendosje, ai iu tha anëtarëve të partisë se zgjedhjet do të mbahen vitin e ardhshëm pasi “opozita nuk mund t’i shtyjë pafundësisht”.
Një përpjekje që u duk se po bëhej që vendi të shkojë para kohe në zgjedhje parlamentare, u shpall e dështuar në fund të majit.
PDK-ja insistoi që të shpërndahej Kuvendi dhe Krasniqi ishte optimist se do të merreshin vesh për këtë, pasi për këtë kishte pasur një dakordim me Kurtin në atë darkë.
Kryetari i LDK-së, Lumir Abdixhiku dhe ai i AAK-së, Ramush Haradinaj nuk u pajtuan që të shkonin në zgjedhje përmes shpërndarjes së Kuvendit, por kërkuan dorëheqjen e Qeverisë./Express