Lufta tregtare me SHBA, Kina ura bashkëpunimi me Bashkimin Europian  

Kina duket se po afrohet drejt Europës në një kohë kur po përballet me shqetësime si pasojë e luftës tregtare me SHBA, pas vendosjes së tarifave nga Donald Trump.

Zëdhënësi i Ministrisë së Jashtme kineze, Guo Jiaqun, tha se marrëdhëniet e Pekinit me Brukselin do të sjellin stabilitet të vlefshëm.

“Duke mbrojtur bashkarisht në kontekstin aktual, sistemin tregtar shumëpalësh, Kina dhe Bashkimi Evropian do të sjellin stabilitet të vlefshëm dhe qëndrueshmëri më të madhe në ekonominë dhe tregtinë globale”, tha ai.

/abcnews.al/