Milan gati të shesë yjet për të realizuar blerjen epike të Chiesas

Javën e kaluar, drejtori sportiv i Milanit, Igli Tare, deklaroi se klubi do të kërkojë përforcime në repartin ofensiv vetëm në rast të ndonjë largimi nga skuadra aktuale.

Këto komente vijnë në kohën kur po përflitet për një lëvizje të mundshme drejt sulmuesit të Liverpoolit, Federico Chiesa.

Duke folur për media, Tare tha: “Ne planifikojmë të ndërhyjmë në krahë vetëm nëse ndonjë lojtar largohet”.

AC Milan eye shock move for Federico Chiesa
Raportimet e fundit sugjerojnë se Rossonerët pritet të takohen me përfaqësuesit e Chiesas brenda javës, çka ka ngritur pikëpyetjet se cili nga lojtarët e krahut mund të largohet nga skuadra.

Sipas Gazzetta dello Sport, përcjellë nga MilanNews24, skuadra angleze e Fulhamit ka shprehur interes për nënshkrimin e anësorit nigerian, Samuel Chukwueze. Edhe pse edhe Real Betisi është përmendur si një opsion i mundshëm, interesimi i Fulhamit duket më konkret.

Ndërkohë, edhe sulmuesi zviceran, Noah Okafor, është përmendur si kandidat për largim nga skuadra, pavarësisht paraqitjeve pozitive gjatë fazës përgatitore. 25-vjeçari shënoi dy herë në fitoren 4-2 ndaj Liverpoolit, por Milani ende nuk e ka përjashtuar shitjen e tij.

Federico Chiesa nuk do të jetë një investim i lirë. 27-vjeçari iu bashkua Liverpoolit verën e kaluar për 12 milionë euro, vetëm dy vite pas transferimit të tij prej 45 milionë eurosh nga Fiorentina te Juventusi. Kontrata e tij me “The Reds” është e vlefshme deri në vitin 2028, duke i dhënë klubit anglez një avantazh të qartë në çdo negociatë të mundshme.

Për më tepër, kërkesat e larta për pagë dhe politika e re financiare e Milanit mund të përbëjnë pengesë. Megjithatë, nga aspekti sportiv, Chiesa shihet si një përforcim i vlefshëm për krahun sulmues.

Federico Chiesa first start for Liverpool
Emërimi i Massimiliano Allegrit si trajner i ri i Milanit mund të ndikojë pozitivisht, pasi trajneri italian ka punuar më parë me Chiesën te Juventusi dhe mund ta bindë atë për një rikthim të bujshëm në Serie A.

Chiesa ka luajtur vetëm 104 minuta në Ligën Premier gjatë sezonit 2024/25, duke u aktivizuar kryesisht në ndeshjet e kupave – një situatë që mund ta shtyjë të kërkojë më shumë minuta diku tjetër.