Numërimi i votave në Shqipëri, ja kush kryeson

Deri në orën 4 të mëngjesit, numëruesit në të gjithë Shqipërinë kanë numëruar 1386 kuti votimi nga 5225 që janë në të gjithë Shqipërinë.

Sipas shifrave zyrtare të raportuara nga Komisioni Qendror i Zgjedhjeve, votat në çdo qark të përkthyera në mandate, japin një tablo ku Partia Socialiste kryeson thellë me numër mandatesh, transmeton albinfo.ch.

Kështu socialistët kanë deri tani 83 mandate, ku rezultatin më të mirë e kanë në Tiranë, Fier, Durrës dhe Elbasan.

Nga ana tjetër koalicioni i kryesuar nga Partia Demokratike është me 51 mandate.

Sa i përket partive të reja, PSD-ja e Tom Doshit është forcë e tretë politike në Kuvend me 3 mandate, koalicioni “Nisma Shqipëria bëhet” ka 3 mandate, ndërkohë që Partia Mundësia dhe Lëvizja Bashkë kanë nga një mandat.

Deri më tani janë numëruar 26.52% e kutive të votimit.

https://iemis.kqz.gov.al/results2025/?lang=AL&v1=IN

The post Numërimi i votave në Shqipëri, ja kush kryeson appeared first on Albinfo.