Pesë largimet nga Milani që po e ndihmojnë klubin për transferimin e Ardon Jasharit

Raportet tregojnë se Milani po afrohet gjithnjë e më shumë drejt një marrëveshje me Club Brugge për transferimin e mundshëm të Ardon Jasharit, pjesërisht si rezultat i një sërë largimesh të pritshme nga skuadra kuqezi, përfshirë Emerson Royal dhe Lorenzo Colombo.

Milani ka qenë i interesuar për Jasharin gjatë gjithë afatit kalimtar veror, por deri më tani nuk ka arritur të përmbushë kërkesën e Club Brugge për një shumë rreth 40 milionë euro.

Sipas Igli Tare është i bindur se marrëveshja me Club Brugge do të mbyllet në ditët në vijim.

Calciomercato sugjeron se Milani ka arritur të sigurojë fondet shtesë dhe hapësirën në skuadër falë disa largimeve të pritshme.

Ndër lojtarët që pritet të largohen nga Milani së shpejti është Emerson Royal, i cili pritet t’i bashkohet Flamengos në një marrëveshje të përhershme, pasi klubi brazilian arriti të ndërhyjë me sukses në marrëveshjen mes kuqezinjve dhe Besiktas.

Gjithashtu, Lorenzo Colombo do të largohet nga Milani pas pesë huazimeve radhazi, dhe do t’i bashkohet Genoas në një huazim fillestar me mundësi blerjeje të detyrueshme të përfshirë në marrëveshje.

Milani është gjithashtu i gatshëm të dërgojë përsëri në huazim Noah Okafor, me raportime që sugjerojnë se Bologna është e interesuar dhe dëshiron të përfshijë një opsion blerjeje.

Mesfushorët Yacine Adli dhe Ismael Bennacer, të cilët nuk udhëtuan me ekipin për turneun parasezonal në Azi, gjithashtu pritet të largohen këtë verë.

Përditësimet e fundit tregojnë se Sassuolo dhe Torino janë të interesuar për francezin, ndërsa Marseille dhe Al-Ittihad janë të interesuar për algjerianin.