Policia dhe Dogana në aksion kundër kontrabandës në veri

Policia e Kosovës është duke zhvilluar një operacion kundër kontrabandës me mallra në disa lokacione në veri të vendit.

Sipas njoftimit të Drejtorisë Rajonale të Policisë në Mitrovicën e Veriut, operacioni po zhvillohet të enjten, më 22 tetor, në bazë të një urdhërese të lëshuar nga gjykata.

“Drejtoria Rajonale e Policisë Mitrovicë Veri informon opinionin publik se sot, më datën 22.10.2026, sipas urdhëresës së lëshuar nga gjykata, në disa lokacione në veri të vendit, Policia e Kosovës është duke zhvilluar një operacion në kuadër të luftimit të kontrabandës me mallra”, thuhet në njoftimin e Policisë.

Operacioni po zhvillohet në bashkëpunim me Doganën e Kosovës dhe Administratën Tatimore të Kosovës (ATK), si dhe institucionet e tjera relevante.

Policia ka bërë të ditur se detajet e tjera lidhur me operacionin do të bëhen publike gjatë ditës.

“Për detaje të tjera lidhur me operacionin, opinioni publik do të informohet me kohë gjatë ditës”, thuhet në njoftim.

Burimi i lajmit: orainfo.net
Shënim: Ky material është përpunuar për qëllime informimi nga Portali Kosova.Today.