Provon të kalojë binarët, goditet nga treni dhe vdes 24 vjeçari

Një burrë 24-vjeçar u godit për vdekje nga një tren mallrash në Aarau të premten në mbrëmje. Ai dhe vëllai i tij më i vogël kishin hyrë pa leje në shinat hekurudhore, siç raportoi policia kantonale e Aargaut të shtunën.

Incidenti ndodhi në orën 19:45 të mbrëmjes pranë stacionit të trenit të Aaraut, transmeton albinfo.ch. Dy vëllezërit hynë në hapësirën e gjerë të shinave në lindje të stacionit për të kaluar në mënyrë të palejuar, në anën tjetër

Pasi kishin kaluar disa shina, një tren mallrash që po afrohej me shpejtësi të lartë goditi 24-vjeçarin, shkruan Keystone-SDA. Vëllai i tij më i vogël mbeti i padëmtuar në aksident.

Policia deklaroi se gjithçka aktualisht tregon për një aksident tragjik. Nuk ka asnjë shenjë për veprim të paligjshëm.

Policia kantonale ka nisur një hetim. Zyra e prokurorit publik ka hapur hetime.

The post Provon të kalojë binarët, goditet nga treni dhe vdes 24 vjeçari appeared first on Albinfo.

Burimi i lajmit: albinfo.ch
Shënim: Ky material është përpunuar për qëllime informimi nga Portali Kosova.Today.