Revolucion te Milan: Allegri trondit me formacionin kundër Barit
AC Milan është vetëm dy ditë larg nga sfida e parë zyrtare e sezonit të ri, teksa përgatitjet janë intensifikuar në kampin kuqezi nën drejtimin e trajnerit Massimiliano Allegri. Sipas Corriere dello Sport, përmes MilanNews, trajneri italian po mendon të eksperimentojë me një formacion me tre mbrojtës, një risi që synon të ofrojë më shumë […]
AC Milan është vetëm dy ditë larg nga sfida e parë zyrtare e sezonit të ri, teksa përgatitjet janë intensifikuar në kampin kuqezi nën drejtimin e trajnerit Massimiliano Allegri.
Sipas Corriere dello Sport, përmes MilanNews, trajneri italian po mendon të eksperimentojë me një formacion me tre mbrojtës, një risi që synon të ofrojë më shumë stabilitet në prapavijë dhe të ndihmojë afrimet e reja të ambientohet pa presion të menjëhershëm.
Taktika e re: De Winter dhe Athekame hyjnë me kujdes
Nëse formacioni me tre mbrojtës konfirmohet, atëherë pritet që Strahinja Pavlovic, Matteo Gabbia dhe Fikayo Tomori të jenë titullarë. Kjo zgjedhje do t’i japë kohë Koni De Winter dhe Zachary Athekame të përshtaten gradualisht me ritmin dhe kërkesat e ekipit.
Dilemat në sulm: Pulisic apo Gimenez përkrah Leao?
Në repartin ofensiv, dilema kryesore lidhet me partnerin e Rafael Leao. Christian Pulisic është ende një pikëpyetje për shkak të formës fizike, ndërsa Santiago Gimenez shihet si një alternativë serioze për të nisur nga minuta e parë.
Modric nis nga stoli, por mbetet armë e fortë
Luka Modric, një nga përforcimet më të mëdha të merkatos, nuk pritet të luajë nga minuta e parë për shkak të gjendjes fizike. Megjithatë, mesfushori kroat pritet të jetë gati për të dhënë kontributin e tij në pjesën e dytë, nëse ndeshja e kërkon.
Prezantimi zyrtar i afrimeve të reja në San Siro
Përpara fillimit të ndeshjes ndaj Barit, rreth 20 minuta pas ngrohjes, do të organizohet një prezantim zyrtar i të gjitha përforcimeve të verës, për t’i përshëndetur për herë të parë me tifozët në San Siro.
Allegri nuk në stol: debutimi zyrtar shtyhet për javën e ardhshme
Massimiliano Allegri nuk do të jetë në pankinë për këtë ndeshje, për shkak të pezullimit të marrë në finalen e Kupës së Italisë sezonin e kaluar. Debutimi i tij zyrtar në mandatin e dytë te Milan do të ndodhë javën tjetër kundër Cremonese, gjithashtu në San Siro.
Ndeshja ndaj Barit do të luhet të dielën, ora 21:15 CEST, në stadiumin San Siro.
