RMV, subvencione për prodhimin e materialit bazë dhe para-bazë të farës për kulturat e drithërave, ja deri në cilën datë mund të aplikoni
Ministria e Bujqësisë, Pylltarisë dhe Ekonomisë së Ujërave fton fermerët që të aplikojnë me kohë për pagesa direkte për prodhimin e materialit bazë dhe para-bazë të farës për kulturat e drithërave, transmeton Portalb.mk. Përfitues nga kjo nënmasë janë njësitë bujqësore të regjistruara në Regjistrin e furnizuesve të materialit farë, dhe të cilat kanë prodhuar dhe […]
![RMV, subvencione për prodhimin e materialit bazë dhe para-bazë të farës për kulturat e drithërave, ja deri në cilën datë mund të aplikoni](https://i0.wp.com/portalb.mk/wp-content/uploads/2023/04/melissa-askew-y4xZxzN754M-unsplash.jpg?fit=1024%2C768&ssl=1)
Ministria e Bujqësisë, Pylltarisë dhe Ekonomisë së Ujërave fton fermerët që të aplikojnë me kohë për pagesa direkte për prodhimin e materialit bazë dhe para-bazë të farës për kulturat e drithërave, transmeton Portalb.mk.
Përfitues nga kjo nënmasë janë njësitë bujqësore të regjistruara në Regjistrin e furnizuesve të materialit farë, dhe të cilat kanë prodhuar dhe shitur materialin parabazë dhe bazë të farës për kulturat e drithërave në vitin 2023, në përputhje me Ligjin për farërat dhe materialin fidanor të bimëve bujqësore
Shuma e pagesave direkte për materialin fidanor parabazë të prodhuar dhe të shitur është 20 denarë për kilogram, ndërsa për materialin bazë faror është 10 denarë për kilogram.
Kujtojmë fermerët se afati i fundit për paraqitjen e aplikimeve për subvencione është deri më 30 qershor 2023. Fermerët mund të dorëzojnë aplikime çdo ditë pune në zyrat e njësive rajonale të Ministrisë së Bujqësisë ose në mënyrë elektronike përmes faqes së internetit të Agjencisë së Pagesave.