SHBA regjistron rekord fluturimesh për deportimin e emigrantëve
Numri i fluturimeve për deportimin e emigrantëve nga Shtetet e Bashkuara ka arritur një nivel rekord këtë vit, duke nxitur shqetësime për mungesën e transparencës nga ana e kompanive ajrore që i realizojnë këto fluturime. Sipas të dhënave të publikuara, gjatë muajit korrik janë regjistruar 1214 fluturime deportimi, shifra më e lartë që nga viti [...]Read More...
Numri i fluturimeve për deportimin e emigrantëve nga Shtetet e Bashkuara ka arritur një nivel rekord këtë vit, duke nxitur shqetësime për mungesën e transparencës nga ana e kompanive ajrore që i realizojnë këto fluturime.
Sipas të dhënave të publikuara, gjatë muajit korrik janë regjistruar 1214 fluturime deportimi, shifra më e lartë që nga viti 2020, kur filloi monitorimi i tillë. Kjo rritje përfaqëson një trend alarmues, veçanërisht për organizatat që mbrojnë të drejtat e emigrantëve dhe kërkojnë llogaridhënie nga autoritetet federale.
Ajo që ka ngritur më shumë dyshime është praktika në rritje e fshehjes së identitetit të avionëve, e cila sipas raportimeve përfshin përdorimin e thirrjeve false (dummy call signs) dhe fshehjen e numrave identifikues të aeroplanëve. Këto veprime, ndonëse të lejuara nga Administrata Federale e Aviacionit (FAA) përmes një programi të quajtur LADD, janë interpretuar nga shumë si përpjekje për të shmangur mbikëqyrjen publike.Kompanitë ajrore që bashkëpunojnë me Shërbimin e Imigracionit dhe Doganave (ICE), si GlobalX, Eastern Air Express dhe Avelo Airlines, janë përfshirë në këtë praktikë, ndërsa fluturimet e tyre janë bërë gjithnjë e më të vështira për t’u gjurmuar në faqet publike të monitorimit të aviacionit.
Sipas organizatës “Witness at the Border”, e cila monitoron këto operacione, deri në fund të korrikut janë regjistruar rreth 6000 fluturime deportimi, një rritje prej 41 për qind krahasuar me të njëjtën periudhë të vitit të kaluar.
Aktivistët dhe grupet e të drejtave të njeriut po kërkojnë më shumë transparencë dhe llogaridhënie për mënyrën se si realizohen këto operacione, duke theksuar se fshehja e avionëve është tregues i mungesës së dëshirës për t’u përballur me opinionin publik dhe pasojat e politikave të ashpra të emigracionit./abcnews.al
