Shqiptarit të dënuar në Angli i sekuestrohen 500 mijë euro pasuri

500 mijë euro pasuri janë sekuestruar nga një shtetas të dënuar në Mbretëri të Bashkuar, për kultivim të bimëve narkotike, me llamba.

Policia në Shqipëri bën të ditur se përmes operacionit policor të koduar “Source”, është bërë sekuestrimi i një objekt banimi, dy automjeteve, një aktivitet tregtar me objekt blerjen, shitjen dhe riparimin e automjeteve.

Në kuadër të operacionit, u ekzekutua vendimi për sekuestrimin e pasurive të shtetasit B. Ll., dhe të familjarëve të tij. Pasuritë e sekuestruara ndodheshin në Kamëz.