Sot ZRRE-ja vendos për çmimin e rrymës, qytetarët protestojnë
“Asnjë cent më shumë” – protestohet sot sërish kundër shtrenjtimit të rrymës The post Sot ZRRE-ja vendos për çmimin e rrymës, qytetarët protestojnë appeared first on Albinfo.
Nën moton “Asnjë cent më shumë”, sot mbahet protesta e radhës kundër shtrenjtimit të energjisë elektrike, përcjell albinfo.ch.
Protesta fillon nga ora 12:00 në sheshin “Zahir Pajaziti” në Prishtinë, në të njëjtën ditë kur edhe Zyra e Rregullatorit për Energji (ZRrE) pritet të marrë vendimin përfundimtar për çmimin e ri të rrymës.
Organizatorët u kanë bërë thirrje qytetarëve që t’i bashkohen kësaj proteste, duke kundërshtuar paralajmërimin për një rritje prej 15% të çmimit të rrymës nga ZRrE.
“Rritja e çmimit të energjisë nuk prek vetëm faturën, por edhe bukën, vajin, qumështin – çdo aspekt të jetës sonë të përditshme”, thuhet në njoftimin e grupit organizues në Facebook.
Kujtojmë se edhe më 5 prill u mbajt një protestë e ngjashme në sheshin “Skënderbeu”, ku morën pjesë qindra qytetarë, njofton Klankosova.tv.
Ndaj këtij vendimi pati reaguar edhe Presidenca, ku përmes një reagimi pati deklaruar se rritja e çmimit të rrymës do të ketë efekt zinxhir.
The post Sot ZRRE-ja vendos për çmimin e rrymës, qytetarët protestojnë appeared first on Albinfo.
