Tavolinë prej guri para Kryeministrisë, Rama fton sërish studentët për dialog

Kryeministri Edi Rama u ka bërë sërish ftesë për dialog studentëve dhe të rinjve mëngjesin e kësaj të shtune.

Sipas një videoje të shpërndarë në rrjetin e tij social Facebook, Rama ka vendosur sërish jashtë ambienteve të Kryeministrisë ftesat për dialog.

Sipas pamjeve, këtë herë kryeministri ka vendosur një tavolinë prej guri, mbi të cilën ndodhen ftesat ku shkruhet “Dialog”, ndërsa rreth saj, në vend të karrigeve, janë vendosur shilte të kuqe dhe jeshile.

Ndërkohë, kujtojmë se studentët i kanë refuzuar të gjitha ftesat e mëparshme për dialog, ndërsa kanë vijuar të këmbëngulin në kërkesën e tyre për dorëheqjen e tij.

The post Tavolinë prej guri para Kryeministrisë, Rama fton sërish studentët për dialog appeared first on Euronews Albania.

Burimi i lajmit: euronews.al
Shënim: Ky material është përpunuar për qëllime informimi nga Portali Kosova.Today.