Të mërkurën fillon numërimi i votave të shtetasve që votuan në përfaqësitë diplomatike të Kosovës

Komisioni Qendror i Zgjedhjeve ka njoftuar se në Qendrën e Numërimit dhe Rezultateve të mërkurën pritet të nis numërimi i 15,352 fletëvotimeve të shtetasve që votuan në përfaqësitë diplomatike të Kosovës në 19 vende të botës. Nga ana tjetër, zëdhënësi i KQZ-së, Valmir Elezi ka njoftuar se të shtunën, në QNR ka filluar skanimi i […] The post Të mërkurën fillon numërimi i votave të shtetasve që votuan në përfaqësitë diplomatike të Kosovës appeared first on Albinfo.

Feb 24, 2025 - 17:00

Të mërkurën fillon numërimi i votave të shtetasve që votuan në përfaqësitë diplomatike të Kosovës

Komisioni Qendror i Zgjedhjeve ka njoftuar se në Qendrën e Numërimit dhe Rezultateve të mërkurën pritet të nis numërimi i 15,352 fletëvotimeve të shtetasve që votuan në përfaqësitë diplomatike të Kosovës në 19 vende të botës.

Nga ana tjetër, zëdhënësi i KQZ-së, Valmir Elezi ka njoftuar se të shtunën, në QNR ka filluar skanimi i listës së votuesve nga 2,533 vendvotimet e rregullta në të cilën nënshkruhen votuesit që marrin pjesë në votim.

“Skanimi i listës së votuesve të vendvotimeve të rregullta është i domosdoshëm para se të fillojmë me numërimin e votave nga vendvotimet me kusht, sepse na ndihmon që të sigurohemi se askush nuk ka votuar dy herë, në vendvotimin e rregullt dhe në vendvotimin me kusht. Pasi të kryhen këto procese, do të mund të fillojë numërimi i votave me kusht, votave të personave me nevoja të veçanta dhe votave nga votimi jashtë Kosovës. Ashtu siç kemi thënë edhe më herët, ky proces planifikojmë të fillojë gjatë ditëve në vazhdim”, ka thënë ai, transmeton albinfo.ch.

Elezi ka njoftuar se të dielën në mbrëmje ka përfunduar vlerësimi i pakove të supozuara me fletëvotime nga votimi jashtë Kosovës, respektivisht nga votimi përmes postës.

“Ne i referohemi si “pako të supozuara me fletëvotime” pasi në këtë fazë nuk hapen zarfet që supozohet se përmbajnë fletëvotime. Kjo do të bëhet gjatë numërimit. Sipas të dhënave preliminare, procesit të vlerësimit apo verifikimit të pakove me fletëvotime nga votimi jashtë Kosovës i janë nënshtruar rreth 69 mijë pako, prej të cilave janë aprovuar rreth 63 mijë ndërkaq janë refuzuar rreth 4 mijë e 900. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë ndër të tjera ai.

Ai ka njoftuar se këto janë vetëm të dhëna preliminare dhe në procesin e numërimit do të bëhen të ditura shifrat plotësisht të sakta.

“Procesit i vlerësimit përfshinë verifikimin nëse pakot e dërguara u takojnë votuesve të regjistruar dhe nëse janë ndjekur procedurat tjera të parapara. Në përgjithësi, gjatë periudhës së regjistrimit, nga 104,924 shtetas të regjistruar për votim jashtë Kosovës, 84,600, ishin regjistruar për të votuar përmes postës dhe 20,324 të tjerë ishin regjistruar për votimin fizik në përfaqësitë diplomatike. Nga 20,324 në përfaqësi diplomatike kanë votuar 15,352 votues, ndërkaq në votimin përmes postës KQZ ka pranuar rreth 69 mijë pako me fletëvotime”, ka bërë të ditur ai.

The post Të mërkurën fillon numërimi i votave të shtetasve që votuan në përfaqësitë diplomatike të Kosovës appeared first on Albinfo.

Tags Kerko

Kerko ne Google fjalet :

Kliko mbi fjalet me posht shfaqet kerkimi:
Komisioni Qendror Zgjedhjeve Qendr Num Rezultateve Kosov Nga KQZ Valmir Elezi QNR Skanimi Pasi Kosove Ashtu Elezi Ne Kjo Sipas Arsyeja Ai Procesit The Te Albinfo

Të mërkurën fillon numërimi i votave të shtetasve që votuan në përfaqësitë diplomatike të Kosovës

Tags Kerko

Kerko ne Google fjalet :

Popular Posts