Trump ia mohon qasjen në informacione të klasifikuara Harrisit, Clintonit dhe disa të tjerëve

Së fundmi, presidenti amerikan, Donald Trump, ka anuluar lejet e sigurimit për kundërshtarët demokratë që kishte mposhtur në zgjedhje, Kamala Harris dhe Hillary Clinton, si dhe për një sërë funksionarësh të tjerë të lartë të mëparshëm, përcjell albinfo.ch.

Ky veprim vjen pasi lideri amerikan, në muajin shkurt, njoftoi se do të tërhiqte lejen e sigurimit për pasardhësin e tij, Joe Biden.

Ai e konfirmoi këtë veprim në një mesazh të fundit, duke shtuar se do të tërhiqte gjithashtu lejen e sigurimit për “cilindo tjetër anëtar” të familjes Biden.

“Kam arritur në përfundimin se nuk është më në interesin kombëtar që individët e mëposhtëm të kenë qasje në informacione të klasifikuara”, thuhet në memorandumin e Trumpit, shkruan Reuters.

Ish-sekretari amerikan i Shtetit, Antony Blinken, dhe ish-senatorët republikanë, Liz Cheney dhe Adam Kinzinger, gjithashtu ishin në listën e atyre që humbën lejet e sigurimit, si dhe Fiona Hill, ish-këshilltare për çështjet ruse në administratën e parë të Trumpit.

Trump ka tërhequr më parë lejet e sigurimit për një numër ish-drejtuesish të inteligjencës, të cilët i akuzoi për ndërhyrje në zgjedhjet e vitit 2020 në favor të Bidenit, pa ofruar prova.

Joe Biden, në vitin 2021, kur ishte president, i ndaloi rivalit Trump qasjen në informacionet inteligjente, duke cituar si arsye “sjelljen e tij të paarsyeshme”.

The post Trump ia mohon qasjen në informacione të klasifikuara Harrisit, Clintonit dhe disa të tjerëve appeared first on Albinfo.