Trump urdhëroi burgjet federale të strehojnë gra transgjinore në burgjet e meshkujve

Presidenti amerikan Donald Trump ka urdhëruar burgjet federale të strehojnë gratë transgjinore në burgjet e meshkujve, si dhe të ndalojnë trajtimet mjekësore që lidhen me ndryshimin e gjinisë.

Lëvizjet u përcaktuan në një urdhër ekzekutiv të lëshuar nga Trump të hënën pas marrjes së detyrës, raporton New York Times.

Direktiva për gratë e burgosura transgjinore zbatohet edhe për të paraburgosurit emigrantë.

Mbrojtësit e personave transgjinorë dhe të burgosurve kanë kritikuar urdhrin e Trump, duke thënë se zbatimi i tij do të çojë në përdhunime dhe sulme fizike ndaj grave transgjinore.

Ka rreth 1500 të burgosur federalë në SHBA që janë gra transgjinore.

Nga rreth 144,000 të burgosur meshkuj në SHBA, janë 750 burra transgjinorë.

Njerëzit transgjinorë përbëjnë më pak se një për qind të të rriturve në SHBA, sipas Institutit Williams, një qendër kërkimore në Universitetin e Kalifornisë, Los Anxhelos./abcnews.al