U zgjodhën nënkryetarët e Kuvendit të RMV-së: Bendevska është nga “R Maqedonia V”, Milloshoski i sëmurë

Edhe fillimisht u vendos që Kuvendi i Maqedonisë së Veriut të ketë pesë nënkryetarë, do të jenë vetëm tre, të cilët u zgjodhën sot. Nënkryetarët do të jenë Jovan Mitreski nga LSDM, Antonijo Milloshoski nga VMRO-DPMNE dhe Vesna Bendevska nga ZNAM, raporton Portalb.mk.

Nënkryetarja e re e Kuvendit, Vesna Bendevska, kur dha betimin solemn sot, nuk e tha emrin kushtetues të vendit, Republika e Maqedonisë së Veriut, por dy herë tha “R Maqedonia V”. Ky është një version i ri i emrit të shtetit, pasi presidentja Gordana Siljanovska Davkova gjatë betimit tha “Maqedonia”.

Antonijo Milloshoski siç sqaroi kryetari i Kuvendit, nuk ishte i pranishëm për arsye shëndetësore dhe se do të bëjë betimin në seancën e ardhshme. sesioni.

Mitreski gjatë betimit tha emrin kushtetues të shtetit.

Nuk ka pasur fare debat për zgjedhjen e nënkryetarëve. Në seancë nuk morën pjesë deputetët e Frontit Evropian.

Për Antonio Milloshoskin votuan 69 deputetë, Jovan Mitreskin 82 deputetë dhe Vesna Bendevskën 70 deputetë.

Kryetar i Kuvendit të Maqedonisë së Veriut është Afrim Gashi nga koalicioni VLEN, i cili u zgjodh më 28 maj, me 76 vota “për” të deputetëve.

Në Kuvendin e Maqedonisë së Veriut, në fillimin e javës së ardhshme pritet votimi i kabinetit të Qeverisë së Maqedonisë së Veriut, në krye me mandatarin Hristijan Mickoski nga VMRO-DPMNE.

Kujtojmë që zgjedhjet parlamentare u mbajtën më 8 maj, VMRO-DPMNE fitoi 58 deputetë, Fronti Evropian 19, LSDM 18, VLEN 13, E Majta 6 dhe ZNAM 6. Mirëpo, pas rivotimit me 22 maj në shtatë vendvotime për shkak të parregullsive gjatë votimit të 8 majit, koalicioni VLEN fitoi një deputet më tepër duke i bërë 14 deputetë, ndërsa Fronti Evropian humbi një deputet, i cili shkoi për VLENIN.

LEXO: RMV, përbërja e qeverisë së re më 18 qershor në Kuvend, VMRO-ja do t’i shpallë emrat e ministrave të dielën LEXO: Me 88 vota, Kuvendi i RMV-së i votoi ndryshimet në ligjin për riorganizimin e Qeverisë