Vazhdon gjykimi në Hagë, dëshmitari i sotëm pa masa mbrojtëse
Në Dhomat e Specializuara të Kosovës në Hagë sot nga ora 09:00 do të vazhdojë procesi gjyqësor në rastin Thaçi dhe të tjerët. Zëdhënësi i Zyrës së Prokurorit të Specializuar, Christopher Bennett, ka njoftuar për gazetën online Reporteri.net se dëshmitari i sotëm ka të ngjarë të dëshmojë për 2 ditë radhazi dhe në seancë publike. […]
Në Dhomat e Specializuara të Kosovës në Hagë sot nga ora 09:00 do të vazhdojë procesi gjyqësor në rastin Thaçi dhe të tjerët.
Zëdhënësi i Zyrës së Prokurorit të Specializuar, Christopher Bennett, ka njoftuar për gazetën online se dëshmitari i sotëm ka të ngjarë të dëshmojë për 2 ditë radhazi dhe në seancë publike.
“Dëshmitari i së hënës nuk do të ketë masa mbrojtëse, kështu që dëshmia, e cila ka gjasa të zgjasë dy ditë, duhet të jetë publike”, tha Bennett.
Gjyqi kundër Hashim Thaçit, Kadri Veselit, Jakup Krasniqit dhe Rexhep Selimit ka nisur më 3 prill në Dhomat e Specializuara të Kosovës, që ndryshe njihen edhe si Gjykatë Speciale.
