Vendimi i Gjykatës së Lartë për mbylljen e TikTok, reagon Trump: Ndalimi i platformës varet nga unë

Presidenti i Shteteve të Bashkuara të Amerikës, Donald Trump ka reaguar ndaj vendimit të Gjykatës së Lartë për mbylljen e platformës TikTok.

Ai ka deklaruar se vendimi për zbatimin e ndalimit të TikTok do të varet nga ai. “Përfundimisht vendimi varet nga unë. Ju do të shihni se çfarë do të bëj,” theksoi Trump, shkruan CNN.

Gjykata e Lartë ka mbështetur ligjin që mund të ndalojë aplikacionin nëse nuk shitet nga pronari deri të dielën, transmeton albinfo.ch.

Gjykata argumentoi se rreziku për sigurinë kombëtare i shkaktuar nga lidhjet me Kinën tejkalon shqetësimet për kufizimin e lirisë së shprehjes nga aplikacioni ose 170 milionë përdoruesit e tij në ShBA.

The post Vendimi i Gjykatës së Lartë për mbylljen e TikTok, reagon Trump: Ndalimi i platformës varet nga unë appeared first on Albinfo.