Vizita e Trump në Britani, Kate Middleton tërheq vëmendjen

Mbrëmja e djeshem në Windsor Castle shënoi një nga ngjarjet më të rëndësishme dhe madhështore të vitit, me organizimin e Banketit Shtetëror nga Mbreti Charles III në nder të vizitës zyrtare të Presidentit të Shteteve të Bashkuara, Donald Trump, dhe Zonjës së Parë, Melania Trump.

Banketi u mbajt në sallën ikonike St George’s Hall, ku tavolina monumentale prej mahonias 50 metra u dekorua me argjend të artë nga Koleksioni Mbretëror dhe me aranzhime lulesh në nuanca të ngrohta vjeshtore. Atmosfera elegante u pasqyrua në çdo detaj, nga kristalet e ndritshme te kandelabrat që ndriçonin sallën me madhështi.

Vëmendjen e të gjithëve e tërhoqi Princesha e Uellsit, Kate Middleton, e cila zgjodhi një fustan të punuar dorazi me dantellë Chantilly nga stilistja britanike Phillipa Lepley, i kombinuar me tiarën historike Lover’s Knot, një nga perlat më të njohura të Princeshës Diana. Ky moment u interpretua si një gjest i fuqishëm simbolik që ndërthur traditën mbretërore me elegancën moderne.

Ngjarja, e ndjekur nga mijëra sy në të gjithë botën, jo vetëm që theksonte lidhjet e forta mes Britanisë së Madhe dhe Shteteve të Bashkuara, por edhe rikujtonte fuqinë e diplomacisë që manifestohet përmes ceremonive dhe traditave mbretërore.