Zelensky komplimentohet nga Trump për kostumin

Presidenti ukrainas, Volodymyr Zelenskyy, këtë herë tërhoqi vëmendjen për paraqitjen e tij elegante gjatë vizitës në Zyrën Ovale.

Takimi u zhvillua në një atmosferë më miqësore krahasuar me herën e kaluar, dhe Zelensky madje bëri edhe shaka para mediave.

Gazetari Brian Glenn, i cili dikur e kishte kritikuar për mungesën e kostumit, e komplimentoi duke i thënë: “Dukesh fantastik me atë kostum”. Menjëherë më pas, Donald Trump ndërhyri duke shtuar: “Edhe unë ia thashë të njëjtën gjë”, duke kujtuar debatet e mëparshme.

Zelensky iu përgjigj me humor, duke theksuar se këtë herë kishte ndryshuar veshjen, ndërsa gazetari jo: “Unë ndërrova, ti jo”.

Në një deklaratë të shkurtër, ai konfirmoi gjithashtu se zgjedhjet në Ukrainë do të mbahen sapo të krijohen kushtet e duhura.

The post Zelensky komplimentohet nga Trump për kostumin appeared first on Albinfo.