Dawn Richard dëshmon në gjyqin e Diddyt: Ai e goditi, e shqelmoi dhe e tërhoqi zvarrë Cassien

Këngëtarja Dawn Richard dëshmoi në gjyqin e Sean Diddy Combs, i cili përballet me akuza të rënda për shantazh, shfrytëzim seksual dhe organizim prostitucioni.

Combs i mohon të gjitha akuzat.

Richard ishte pjesë e kompanisë së tij diskografike ‘Bad Boy Records’ si anëtare e grupit ‘Danity Kane’ nga viti 2009 deri në vitin 2011.

Ishte gjatë kësaj periudhe që ajo dyshohet se ishte dëshmitare e dhunës që Combs i ushtroi këngëtares Cassie.

Cassie, emri i plotë i së cilës është Cassandra Ventura, ishte në një lidhje me Combs nga viti 2007 deri në vitin 2018.

Gjatë dëshmisë së saj javën e kaluar, ajo përshkroi detajet e të ashtuquajturave festa “të çmendura” që dyshohet se ishin organizuar nga Combs ndërsa ishte nën ndikimin e drogës.

Richard tregoi se si në vitin 2009 pa Diddy-n duke e goditur Cassie-n në kokë me një tigan, pas së cilës ajo ra në dysheme. Ajo shtoi se ishte e tronditur dhe e frikësuar dhe se Combs i tha të nesërmen: “Edhe ti mund të zhdukesh”.

Prokurorja Christy Slavik e pyeti Richardin: “Kur Combs ju tha se njerëzit mund të zhdukeshin, si e kuptuat këtë?” Ajo u përgjigj: “Që unë mund të vdisja. Nuk mund ta besoja që ky ishte fillimi i udhëtimit tonë”.

Pas atij incidenti, dyshohet se ka qenë shpesh dëshmitare e dhunës kundër Cassie-t.

“Ai e godiste me grusht, e tërhiqte zvarrë, e godiste. E pashë ta godiste në stomak, ta shqelmonte…”, tha ajo.

Gjithashtu pretendoi se anëtarët e stafit të Combs ishin rregullisht të pranishëm gjatë sulmeve, por nuk reagonin, edhe pse Cassie kishte lëndime të dukshme në fytyrë, sy, këmbë, krahë dhe gjunjë.

Richard tha se e pa Combs duke e goditur Cassie-n me grusht në stomak në restorant. Më vonë, thotë ai, ata u grindën në makinë. Kur Cassie i tha se nuk duhej ta kishte bërë këtë para njerëzve, ai dyshohet se e kapi për qafe, e goditi në fytyrë dhe i tha të heshtte.