Do t’u thyejë zemrat shumë tifozëve: Publikohen skenat e papërshkrueshme të mbërritjes së Modric në Bernabeu

Luka Modric luajti ndeshjen e tij të fundit në Santiago Bernabeu të shtunën dhe u tha lamtumirë tifozëve të Real Madridit.

Kapiteni i ekipit dhe lojtari më i dekoruar (28 trofe) në historinë e gjigantëve të Madridit do të luajë për Realin në Kupën e Botës për Klube, dhe më pas do të tërhiqet përgjithmonë nga fanella e Realit.

Të dielën në mbrëmje, AS publikoi pamje të papara më parë të kapitenit Modric nga autobusi i klubit. Legjenda kroate ulet pranë shokut të skuadrës Lucas Vázquez dhe në një moment shpërthen plotësisht, duke qarë pa pushim ndërsa shikonte telefonin e tij.

Vazquez e përqafon dhe e ngushëllon. AS shkruan: “Do t’u thyejë zemrat shumë tifozëve: skena e papërshkrueshme e mbërritjes së Modric në Bernabeu”.

“Luka Modric luajti për herë të fundit në Bernabeu me fanellën e Real Madridit të shtunën. Kjo skenë me Lucasin është bërë virale”.

Modric u largua nga loja nën duartrokitje dhe brohoritje të forta nga i gjithë stadiumi, dhe gjatë daljes së tij përshëndeti të gjithë shokët e tij të ekipit, disa ish-lojtarë si Toni Kroos, si dhe familjen e tij.

Lojtarët e të dyja ekipeve përgatitën një kordon për të ndërsa ai largohej, dhe Reali publikoi foton dhe shkroi në mbishkrimin në gjuhën kroate: Faleminderit, Luka.