Durmishi i drejtohet Xhaferit: Juve nuk ju intereson e vërteta, por bëni zhurmë për të përfituar ndonjë pikë politike

Ministri i Ekonomisë, Besar Durmishi gjatë seancës për pyetje të deputetëve, duke ju përgjigjur pyetjes së parashtruar nga ish kryetari i Kuvendit, Talat Xhaferi, tha se me ardhjen e tij në detyrën e ministrit, që në fillim ka kërkuar që Revizioni Shtetëror të vijë dhe të bëjë kontroll për komplet funksionimin e institucioni për të parë se çfarë kanë trashëguar. Ai tha se përpos kësaj ka bërë edhe kontroll të brendshëm mbi atë se si ka funksionuar ministria e Ekonomisë.

Durmishi, tha se sa i përket mënyrës së marrjes së licencës, ai në detaje e ka shpjeguar procedurën.
“Kam treguar se ministria e Ekonomisë nuk ka asnjë kompetencë ligjore dhe asnjë mekanizëm që të kontrollon nëse ndonjë lokal ka apo nuk ka licencë, e aq më pak nëse është apo nuk është e falsifikuar”, tha Durmishi.
Durmishi tha se ata kanë gjetur edhe licenca tjera të falsifikuar që janë dhënë në kohën paraprake dhe jo gjatë kohës që ai ka qenë ministër.

“E di që doni të dilni në atë që ju e kërkoni të vërtetën. Por në fakt dua të ju them se ju dhe partia e juaj nuk jeni të interesuar për të vërtetën. Ju u intereson se si të përdorini çdo situatat për të bërë zhurmë dhe për të nxjerrë përfitime politike të momentit. Nuk është diçka e re për qytetarët, janë mësuar me ju dhe të gjitha procedurat, ua kam cekur, janë çështje të cilët i tagojnë institucioneve përkatëse që merren me rastin”, tha më tej Durmishi.

Durmishi më tej ju drejtua Xhaferit dhe të tjerëve nga BDI duke thënë se është cinike që ata të kërkojnë përgjegjësi, duke e ditur se në kohën e tyre ka ndodhur: Durmo Tursi, Besa Transi, spitali modular, dhe ende nuk ka asnjë të paraqitur para organeve të drejtësisë.

Durmishi tha se për dallim nga këto raste, tani për herë të parë 34 persona po përgjigjen për tragjedinë e ndodhur.

The post Durmishi i drejtohet Xhaferit: Juve nuk ju intereson e vërteta, por bëni zhurmë për të përfituar ndonjë pikë politike appeared first on