Dy të vdekur në pistat e skive në Zvicër në fundjavë

Dy persona kanë vdekur në Zvicër pas aksidenteve të veçanta në pistat e skive në kantonin Graubünden.

Të premten një burrë 55-vjeçar u rrëzua duke bërë ski me djalin e tij në zonën e skive Tschiertschen, 7 km në juglindje nga Chur, transmeton albinfo.ch.

Më pas skiatori arriti në shtëpinë e tij të pushimeve me mjetet e tij, ku vdiq të nesërmen. Në një deklaratë, policia thotë se është në kërkim të dëshmitarëve, veçanërisht gruas me flokë bjonde që iu afrua burrit dhe i ofroi ndihmë pas rënies.

Aksidenti i dytë fatal ka ndodhur të dielën në shpatet e Davos-Parsenn: një 24-vjeçar gjerman është përplasur me një tjetër skiator pranë fillimit të skiliftit Kreuzweg në territorin e komunës Klosters, shkruan thelocal.

Pas përplasjes, i riu është përplasur me një tabelë informative. Pavarësisht se kjo ishte e mbuluar me gomë shkumë, gjermani humbi vetëdijen.

Pavarësisht ndërhyrjes së shpejtë të ekipeve të shpëtimit dhe Regës, i riu ka ndërruar jetë në vend. Skiatori i dytë i përfshirë u plagos vetëm lehtë. Autoritetet përkatëse kanë hapur hetimet për zbardhjen e ngjarjes, bën me dije sot policia kantonale në një shënim.

The post Dy të vdekur në pistat e skive në Zvicër në fundjavë appeared first on Albinfo.