Itali, arrestohen 180 mafiozë të dyshuar si pjesë e ‘Cosa Nostra-s’

Më shumë se 180 anëtarë të dyshuar të mafies siçiliane janë arrestuar në një goditje ndaj krimit të organizuar në ishullin italian.

“Të arrestuarit përfshijnë disa bosë të klanit famëkeq të Cosa Nostra-s”, njoftoi policia italiane.

Mbi 1 200 oficerë u përfshinë në kontrollet, që ishin të përqendruara kryesisht në kryeqytetin e ishullit, Palermo, dhe në provincat dhe qytetet përreth.

Të arrestuarit akuzohen për aktivitete të ndryshme kriminale të lidhura me Cosa Nostra-n, duke përfshirë vrasjen, sulme, zhvatje dhe trafikun e drogës dhe armëve.

”Hetimet zbuluan se të arrestuarit komunikonin me mafiozët ende të lirë përmes telefonave celularë të futur fshehurazi të pajisur me softuer special të enkriptimit”, deklaroi në një konferencë shtypi kreu i prokurorisë së Palermos, Maurizio De Lucia.

Anëtarët me sa duket ndiheshin aq të mbrojtur saqë jepnin emrat e tyre në biseda telefonike dhe biseda.

Disa mafiozë kishin mësuar për arrestimet e afërta dhe kishin planifikuar të largoheshin nga vendi.

De Lucia tha se hetimi tregoi se ”Cosa Nostra ishte shumë aktive dhe përdorte kanale të reja komunikimi për të kryer biznes”.

Së bashku me Ndrangheta-n kalabreze dhe Camorra-n napolitane, Cosa Nostra është një nga organizatat kriminale më të fuqishme në Itali.