Kina dhe BE reagojnë pas tarifave të vendosura nga SHBA
Kina i kërkon SHBA-së të anulojë menjëherë masat e njëanshme tarifore dhe të zgjidhë në mënyrën e duhur mosmarrëveshjet me partnerët tregtarë përmes dialogut të barabartë The post Kina dhe BE reagojnë pas tarifave të vendosura nga SHBA appeared first on Albinfo.
Ajo që Donald Trumpi e shpalli si “Dita e Çlirimit”, nuk do të vijë pa kundërpërgjigje. Si BE-ja, ashtu edhe Kina janë zotuar për hakmarrje.
“Për këto veprime, do të ketë pasoja të tmerrshme. Edhe vendet më të cenueshme janë tani subjekt i disa prej tarifave më të larta të SHBA-së. Miliona vetë do të përballen me kosto të shtuara. Do të shtrenjtohen ilaçet, e transporti. Do të rritet inflacioni, e kjo do të prekë më të së shumti qytetarët e thjeshtë”, shprehet presidentja e KE, Ursula von der Leyen, shkruan TCH, transmeton albinfo.ch.
“Një gjë është e qartë nga e gjithë kjo situatë: Këto tarifa do të shtojnë çmimet për konsumatorët, dhe në fund, do të vuajmë e do të paguajmë të gjithë”, shprehet Kallas.
“Mania amerikane për tarifat ka gjasa të gjenerojë një spirale të aftë tër aftë të zhysë vendet në recesion e të shkaktojë dëme të mëdha në nivel global, me pasoja negative për shumë njerëz. Ne gjithmonë kemi qenë të fokusuar tek negociatat, e jo tek përplasjet, dhe është qëndrimi i duhur”, thotë Robert Habeck, ministër gjerman i ekonomisë.
Ministria kineze e Tregtisë i bëri thirrje Washingtonit t`i “shfuqizojë menjëherë” tarifat e reja, duke paralajmëruar se ato “rrezikojnë zhvillimin ekonomik global” dhe do të dëmtojnë edhe vetë interesat e SHBA-së e zinxhirët e furnizimit ndërkombëtar.
“Kina i kërkon SHBA-së të anulojë menjëherë masat e njëanshme tarifore dhe të zgjidhë në mënyrën e duhur mosmarrëveshjet me partnerët tregtarë përmes dialogut të barabartë. Në një luftë tregtare nuk ka fitues, dhe nuk ka as rrugëdalje për proteksionizmin”, shprehet He Yadong, zëdhënës i Ministrisë Kineze të Tregtisë.
Trump më herët i akuzoi partnerët e ngushtë tregtarë se me politikën e tyre doganore “plaçkitin dhe dhunojnë” SHBA-në. Presidenti pretendoi se tarifat shtesë do të krijojnë vende pune në SHBA dhe do të stimulojnë ekonominë vendase.
Në rastin e Pekinit sidoqoftë, Trumpi ka lënë të hapur mundësinë e uljes së tarifave mbi mallrat kineze me në mendje arritjen e një marrëveshjeje me kompaninë kineze të TikTok, ByteDance, ndërsa afrohet afati i 5 prillit për shitjen e aplikacionit. Sipas ligjit amerikan, ByteDance duhej të shiste pronësinë e TikTok deri më 19 janar ose të përballej me ndalimin e tij. Megjithatë, Trump i dha një afat shtesë prej 75 ditësh.
The post Kina dhe BE reagojnë pas tarifave të vendosura nga SHBA appeared first on Albinfo.
