Kryeministri i Kanadasë Justin Trudeau njofton dorëheqjen

Justin Trudeau tha sot se planifikon të tërhiqet si lider i Partisë së tij Liberale në pushtet dhe si kryeministër i Kanadasë pas gati një dekade në pushtet.

Trudeau e bëri njoftimin në një fjalim nga rezidenca e tij “Rideau Cottage” në Otavë, pas disa javësh presioni nga brenda dhe jashtë partisë së tij.

Ai do të vazhdojë të jetë kryeministër – një post që e ka mbajtur për nëntë vjet – derisa të zgjidhet lideri i ri i partisë.

“Unë synoj të jap dorëheqjen si lider partie, si kryeministër, pasi partia të zgjedhë liderin e saj të ardhshëm përmes një procesi të fortë, mbarëkombëtar, konkurrues”, tha ai.

“Ky vend meriton një zgjedhje reale në zgjedhjet e ardhshme dhe është bërë e qartë për mua se nëse më duhet të luftoj beteja të brendshme, nuk mund të jem opsioni më i mirë në ato zgjedhje”, shtoi Trudeau.

Qeveria e pakicës e Trudeau, mori një goditje e madhe pas dorëheqjes së ministres së Financave, Chrystia Freeland muajin e kaluar – për shkak të mosmarrëveshjeve për politikën ekonomike.

Zgjedhjet e përgjithshme pritet të zhvillohen deri më 20 tetor, në Kanada

The post Kryeministri i Kanadasë Justin Trudeau njofton dorëheqjen appeared first on Albinfo.