Kur do të rihapen qafat malore zvicerane për trafikun e makinave këtë pranverë?

Të mbyllura për dimër, kalimet në Alpet zvicerane janë planifikuar të rihapen për trafikun e makinave brenda javëve të ardhshme, nëse moti e lejon.

Mbyllja e dimrit në Oberalp, e vendosur në lartësinë 2,044 metra, është planifikuar të hiqet në fund të prillit, duke lejuar automjetet të udhëtojnë midis Graubünden dhe Uri.

Hapja e kalimeve të tjera alpine me lartësi të madhe është si më poshtë:

Gotthard Pass (2,106 metra), midis Uri dhe Ticino: mesi i majit

Kalimi Klausen, i vendosur në 1,948 metra do të rihapet gjithashtu në mes të majit, për udhëtimin midis Urit dhe Glaris

Qafa Furka (2,429 metra) që lidh Urin me Valais: fundi i majit,

Pass Susten (2,260 metra): midis Urit dhe Bernës, do të rihapet deri në fund të qershorit.

Në përgatitje për rihapjet, janë duke u zhvilluar procesi i pastrimit të borës, vendosja e kangjellave dhe parmakëve, si dhe pastrimi i shkëmbinjve aty ku është e nevojshme, shkruan thelocal.

A janë të mbyllura të gjitha rrugët malore në Zvicër për dimër?

Jo, vetëm ato ku rreziku i ortekëve, si dhe kushtet veçanërisht të vështira të borës dhe akullit, i bëjnë këto rrugë të pasigurta.

Zakonisht mbyllen në nëntor, me reshjet e para të borës.

Kalimet e tjera, si Simplon midis Valais dhe Italisë, Flüela në Graubünden, Julier, gjithashtu në Graubünden dhe Brünig, që lidh Bernën me Obwalden, janë ndër ato që mbeten të hapura gjatë gjithë vitit, transmeton albinfo.ch.

Në dimër, megjithatë, gomat e borës dhe, në disa raste, zinxhirët, janë të detyrueshme për të gjitha automjetet.

Gjithashtu, kushtet veçanërisht të rrezikshme të dimrit mund të shkaktojnë mbyllje të përkohshme të këtyre rrugëve.

The post Kur do të rihapen qafat malore zvicerane për trafikun e makinave këtë pranverë? appeared first on Albinfo.